Já í símann - Algengar spurningar

Hvenær kemur iPhone útgáfa?

Það er því miður ekki hægt að birta upplýsingar með þessum hætti þegar símtal kemur inn á iPhone. Kannski verður hægt að gera uppflettingu eftir á en það er ekki alveg jafn gagnlegt. Við munum samt skoða alla möguleika í stöðunni fyrir iPhone útgáfu. Eins og staðan stendur núna þá eru helstu möguleikar að geta leitað á ja.is og hringja í númer og vista í símanum. „m.ja.is“ uppfyllir það ágætlega þannig að við viljum skoða fleiri möguleika. Allar ábendingar eða hugmyndir um það hvað við getum gert í staðinn fyrir að birta nafn við hringingu eru vel þegnar.  

Villa 3002, hvað þýðir hún?

Við höfum fengið nokkrar fyrirspurnir frá notendum með Samsung Galaxy II. Þeir hafa lent í því að uppflettingar í Já í símann eru ekki að virka. Lausnin á þessu vandamáli virðist vera sú að uppfæra stillingar fyrir netaðgang. Vandamálið hefur verið mest áberandi hjá Símanum en önnur tilvik eru óstaðfest. 

Viðskiptavinir Símans sem lenda í þessari villu geta annað hvort hringt í 800 7000 eða sótt nýjar stillingar hérna:  http://www.siminn.is/adstod/farsiminn/stillingar/ 

Villuskilaboðin "Villa 3002" eru óskýr og við munum bæta úr því í  næstu uppfærslu sem er væntanleg fljótlega.

Mánaðargjaldið er 129 kr, er einhver annar kostnaður?

Til þess að fletta upp númeri á meðan á símtali stendur er notuð gagnatenging, það þarf 3G eða WiFi til að ná í upplýsingar á meðan á símtali stendur.

Símafyrirtækið þitt rukkar fyrir gagnaflutning samkvæmt samningi við þig. Þjónustan, Já í símann, notar hins vegar mjög lítið gagnamagn fyrir hverja uppflettingu (ca. 2-3 kb).

Ég er með Android síma en hlekkurinn virkar ekki og ég finn þetta ekki í Android Market, hvað er vandamálið?

Hugsanlega ertu með útgáfu 1.5 af Android. Hann er ekki studdur eins og er. Á mörgum símum með útgáfu 1.5 er hins vegar hægt að uppfæra í 1.6.

Ef þú ert með útgáfu 1.5 og það er ekki hægt að uppfæra þá væri samt ágætt að heyra í þér, t.d. í gegnum ábendingar. Við viljum halda utan um fjöldann til að meta það hvort að við munum reyna að útfæra þetta í útgáfu 1.5.

Virkar forritið ekki fyrir LG Viewty?

LG Viewty virkar því miður ekki. Það er hvorki Android né symbian stýrikerfi á honum. 
Við munum leitast við að koma þessu inn á eins margar tegundir og við getum en það er engin trygging fyrir því að það sé tæknilega mögulegt.