Vefborðar - Vefauglýsingar

Almennt má segja að það séu til þrjár tegundir af vefborðum, þ.e. vefborðar sem kalla fram beina svörun (e. Direct response), borðar sem auka vörumerkjavitund (e. branding) og gagnvirkir borðar (interactive). Vefborðar eru mismunandi að stærð og lögun. Hér má sjá stærðir á vefborðum sem eru í boði á Já.is.

Okkar reynsla hjá Já.is er að í of mörgum tilfellum er verið lögð áhersla á hversu marga smelli vefborði hefur fengið en ekki á hversu margir sáu borðann eða hversu oft birtist hann hjá hverjum notanda (að meðaltali). Við hjá Já fáum Capacent Gallup til að framkvæma fyrir okkur markaðsrannsókn sem snýr að öllum okkar miðlum, um notendur Já.is og hverjir það eru sem nota sér mismunandi þjónustur á vefnum okkar. Allt eru þetta eru spurningar sem kröfuharður neitandi ætti að velta fyrir sér. 

Vörumerkjaborði (branding) hafa það að markmiði að auka vitund og þekkingu fólks á vörumerkinu. 


Bein svörun (direct response) kalla á að fólk smelli og fari yfir á annað vefsvæði eða vefhluta.

Gagnvirkni, þessir borða gerir það kleyft að leyfa fólki að upplifa vörumerki eða þannig getur borðin verið einskonar “micro vefsíða” sem fólk getur fyllt inni, tekið þátt eða keypt vöru eða þjónustu allt inn í vefborðanum án þess að yfirgefa vefsvæðið þar sem vefborðinn er hýstur.
 

Nokkur praktísk ráð við hönnun á vefborða.

1.    Hafa vöruna áberandi á öllum römmum auglýsingarinnar
2.    Hver rammi auglýsingarinnar þarf að geta staðið stakur
3.    Auglýsingar þar sem skilaboðin koma í ljós í lokin eru nær alltaf árangurslitlar
4.    Hafa skilaboðin mjög einföld
5.    Hafa mynd af vörunni og manneskju í auglýsingunni
6.    Að fólk skilji skilaboðin fyrirhafnarlaust
7.    Ekki reyna á þanþol þeirra sem heimsækja miðilinn sem auglýsingin er á
8.    Staðsetning auglýsingar á vefsíðunni skiptir máli og fjöldi auglýsenda í plássinu (en ekki endilega stærð)
9.    Nýta einstaka möguleika netsins (þetta er ekki dagblaðaauglýsing)
10.    Gæta þarf þess að netauglýsingar séu í samræmi við auglýsingar í öðrum miðlum

Lendingarsíður.
Lendingarsíðan (sú síða sem vísað er á í vefborðanum) þarf að vera með skýr markmið og taka á móti væntanlegum viðskiptavin þannig að hann geti fundið upplýsingar, vöru eða þjónustu með minniháttar fyrirhöfn.

Önnur markmið geta verið að fólk skrái sig í netklúbb, taki þátt í leik eða lesi annað efni sem markmiðið er að koma á framfæri. Vefborði á sjaldnast að vísa á upphafsíðu viðkomandi fyrirtækis.

Vefmælingar

Helstu mælikvarðar í vefmælingum.
Smellihlutfall: Þetta er sá mælikvarði sem starfólk Já.is fylgist vel með þar sem þennan mælikvarða getum við mælt inn á okkar vefsæði.

Smellihlutfall (click through rate) = fjöldi smella/fjölda birtinga á vefborðanum.

Á stærstu vefsvæðunum er álitið gott ef að smellihlutfallið er um 0,1-0,3%.

Inn á vefsvæði viðkomandi viðskiptavinar er gott að fylgjast með endurkasti og umbreytistigi.
Endurkast (bounce rate) = er fjöldi þeirra sem skoða einungis eina siðu í heimsókn/ heildarfjölda heimsókna.

Umbreytistig (conversion rate) = fjöldi þeirra sem fara í fyrirfram skilgreinda aðgerð inn á vefsvæði/ Fjölda heimsókna (t.d.frá vefsvæði eða vefborða)
 

Haustið 2009 gáfu Kristján Már Hauksson og Guðmundur Arnar Guðmundsson út bókina Markaðssetning á netinu. Meðal styrktaraðila að bókinni var Já og auk þess sem starfsmenn Já voru þeim félögum innan handar með að veita upplýsingur um reynslu Já af virkni vefauglýsinga. Nánari upplýsingar um bókina er að finna á http://www.online.is