Tungutæknitól – Kenndu þínum lausnum íslensku

Íslenska er flókið tungumál. Beygingar, kyn, áfastir greinar og fleira gera það að verkum að hefðbundnar hugbúnaðarlausnir, sem flestar eiga sér uppruna í hinum enskumælandi heimi, duga stundum skammt einar og sér. Þetta á einkum við um textavinnslu, leit og ýmiskonar sjálfvirka textavinnslu. Já Spurl hefur yfir að ráða úrvali tungutæknitóla sem mæta þessum vanda. Kenndu þínum lausnum íslensku og finndu muninn... 

Traustur grunnur
Tungutæknitól Já Spurl eru unnin í samstarfi við Stofun Árna Magnússonar. Byggt er á orðasafni sem geymir meira en 2,5 milljónir einstakra orðmynda af yfir 300.000 íslenskum orðum. Ofan á þetta safn hefur Já Spurl svo smíðað hraðvirkar og þægilegar tungutæknilausnir sem auðvelt er að tvinna inn í ólík vef- og hugbúnaðarverkefni. 

Beygingar og orðmyndir
Já Spurl býður upp á forritunaraðgang (API) að beygingarsafninu sem að ofan var nefnt. Hægt er að kalla fram ákveðna beygingarmynd ákveðins orðs. Sömuleiðis er hægt að biðja um upplýsingar um orð, s.s. kyn, frummynd, fall o.s.frv. Þessa lausn má m.a. nota við ýmiskonar sjálfvirka textavinnslu eða til að kenna leitarvélinni á innri vefnum þínum að leita að öllum orðmyndum, t.d. leit að "greiðsla" finni líka "greiðslur" o.s.frv.

Auðveld samþætting með XML
Tungutæknitól Já Spurl hafa einfalt XML forritunarviðmót (API) sem þægilegt er að samþætta öllum veflausnum og í raun flestum hugbúnaðarkerfum.