Útsölumarkaður Faxafen

Árið 1926 hóf Sjóklæðagerðin hf - 66°Norður framleiðslu á sérstökum hlífðarfatnaði fyrir sjómenn og fiskverkunarfólk á norðurslóðum. Á síðari árum hefur bæst við fjölbreytt framleiðsla á útivistarfatnaði.

66°Norður hefur sótt í sig veðrið, bæði innanlands sem utan, með aukinni fjölbreytni í fatnaði og framleiðslu fyrir alla aldurshópa með áherslu á hönnun og gæði.

Í dag starfa yfir 220 manns hjá 66°Norður, sem með stolti þjónar fólki í öllum stéttum, á öllum aldri, bæði í leik og starfi.

Starfsmannafatnaður með merkingu fyrirtækisins er ein öflugasta leið til markaðssetningar og ímyndarsköpunar sem völ er á. 

Fyrirtæki gefa viðskiptavinum eða starfsmönnum sínum í vaxandi mæli fatnað og vörur merktar sínu vörumerki í tengslum við ákveðin tímamót, t.d. við kynningu á nýrri vörulínu, þegar ákveðnu markmiði hafi verið náð, við ráðstefnuhald, golfmót o.s.frv.

Á saumastofunni okkar í Garðabænum lagfærum við allar 66°Norður flíkur, sama hvort þær voru hluti af vörulínu síðasta árs, eða síðustu aldar. Við höfum lagt mikla áherslu á þessa þjónustu alla tíð og rekið saumaverkstæði allt frá stofnun fyrirtækisins árið 1926. Við eigum alls kyns gömul efni, tölur og rennilása á lager svo flíkin þín verði eins og ný að lokinni viðgerð.

Við tökum einnig við úr sér gengnum 66°Norður flíkum og sjáum til þess að þær séu endurunnar á réttan hátt. Ef möguleikinn er fyrir hendi, þá höldum við í þeim lífinu og gefum þær áfram til góðgerðarsamtaka líkt og Rauða krossins.