BM Vallá - Einingaverksmiðja

BM Vallá gegnir forystuhlutverki í framleiðslu á steypu og múrvörum fyrir íslenskan byggingariðnað. Umhverfismál og sjálfbær nýting auðlinda er rauður þráður í starfseminni og hefur BM Vallá sett sér það metnaðarfulla markmið að verða umhverfisvænsti steypuframleiðandi landsins. Markvisst er stefnt að því að starfsemi og steypuframleiðsla BM Vallár verði kolefnishlutlaus árið 2030.

Starfsemin á sér hátt í 70 ára sögu og byggir framleiðslan á þekkingu, reynslu og gæðum sem endast og standast ítrustu álagsprófanir við íslenskar aðstæður. Starfsemin er fjölbreytt en sex starfsstöðvar eru starfræktar á landinu, þ.m.t. steypustöð, múr- og helluverksmiðja, húseininga- og smáeiningaframleiðsla ásamt söluskrifstofum á þremur stöðum. Einnig eru starfræktar tvær rannsóknarstofur þar sem fara fram prófanir, rannsóknir og þróun á þeim vörum sem eru framleiddar hjá fyrirtækinu.

Vöru- og þjónustuframboð BM Vallá er:

• Steinsteypa fyrir allar gerðir mannvirkja, þ.m.t. Berglind, vistvænni steypa
• Hellur, kant- og hleðslusteinar
• Steyptar garðeiningar, t.d. sorptunnuskýli og blómaker
• Múr- og flotblöndur, múrkerfi, múrvörur og verkfæri
• Forsteyptar húseiningar - Smellinn
• Sandur og möl

Starfsfólk BM Vallár leggur sig fram um að veita framúrskarandi ráðgjöf um rétt efnisval, hönnun og leiðbeina viðskiptavinum með notkun á vörunum. Allar múr- og flotblöndur sem BM Vallá framleiðir uppfylla skilyrði Svansins og BREEAM til að vera notaðar í hús eða endurbætur sem stefna að umhverfisvottun. Öll steypuframleiðsla fyrirtækisins miðar að því að nota vistvænna sement í steypuuppskriftir og draga þannig úr kolefnisspori steypunnar.

Stjórnkerfi BM Vallá er gæðavottað skv. ISO 9001 og er fyrirtækið eini steypuframleiðandinn með þá vottun. BM Vallá er í eigu Eignarhaldsfélagsins Hornsteins ehf.