565 1213

Valhöll Víkinga er öðruvísi A la carte veitingastaður í næst elsta húsi Hafnarfjarðar, þar sem innréttingar og húsgögn eru gerð úr hundrað ára gömlum neftóbaks-og víntunnum og veggir skreyttir málverkum af Hafnarfirði og veisluborði goðanna.

Valhöll er með bar og fallegri setustofu á efrihæð með útsýni yfir höfnina og bíður upp á notalegt andrúmsloft, þó svo að Víkingar komi þar við með sínar skemmtilegu uppákomur.
Valhöll er opin fyrir matargesti alla daga frá kl. 18:00 og þar er opið fyrir hópa í hádeginu.

Notalegur og öðruvísi veitingastaður sem vert er að heimsækja aftur og aftur.

Fjörugarðurinn  býður upp á ekta Vikinga umhverfi, góðan mat og lifandi tónlist.
Þið munið eiga eftirminnilega stund í Fjörugarðinum, sem á sér engan líka,
útskurður, listmunir og skrautmunir á staðnum virðast óteljandi svo gestir upplifa heimsóknina ekki bara sem veitingastað. Sjón er sögu ríkari.

Fjörugarðurinn er opinn fyrir matargesti frá kl. 18:00-22:00 alla daga en þá lokar eldhús staðarins, barinn hinsvegar er opinn fram eftir kvöldi. Boðið er uppá okkar margrómuðu Víkingaveislur öll kvöld vikunnar, auk þess sem gestir geta valið af fjölbreyttum sérréttarseðli.

Á Hótel Víking eru 42 vel búin og glæsileg herbergi með sér baðherbergi, kaffivél, hárþurrku, sjónvarpi og þráðlausu interneti. Einnig eru 14 víkingahús sem henta vel fyrir fjölskyldur eða vini þar sem uppí 6 manns geta gist í einu húsi. Þráðlaust internet er í boði fyrir gesti þeim að kostnaðarlausu. Vestnorrænt -og Víkingaþema eru á bak við hönnun herbergja hótelsins.  Heitur pottur og gufubað eru meitluð inní hamarinn í glæsilegum bakgarði hótelsins og hafa gestir hótelsins frjálsan aðgang að pottinum og gufubaðinu, þar sem þeir geta slakað á í rólegu og rómantísku umhverfi eftir annir dagsins. Hótelið er mjög vel staðsett, stutt í verslanir, menningu, afþreyingu og samgöngur.

Aðalviðburðir.

Víkingahátíðin er haldin ár hvert í kringum þjóðhátíðardaginn 17 júní og hafa vikingahátíðr verið haldnar frá árinu 1995 og stækka stöðugt.

Frá upphafi hefur verið leitast við að hafa allt sem raunverulegast og að gestum finnist þeir vera staddir þúsund ár aftur í tíma og rúmi. Gestir eru allt í einu komnir inn í ævafornan sumarmarkað. Skip hafa komið að landi frá fjarlægum löndum og verið er að afhlaða varning og handverksmenn bera varninginn að sölubúðum þar sem varningur er falur. Það má segja að það séu stanslausar uppákomur frá sólarupprás til sólarlags.