Forréttabarinn

Forréttabarinn opnaði árið 2011 og er rekinn af Róbert Ólafssyni matreiðslumanni sem starfað hefur sem slíkur í yfir þrjá áratugi á hótelum og veitingastöðum bæði á Íslandi og erlendis.

Gestum stendur til boða úrval girnilegra kræsinga í ýmsum stærðum og gerðum. Franski matreiðslumeistarinn Oliver Grau stýrir eldhúsinu ásamt einvalaliði matreiðslumanna.

Áhersla er lögð á ferskt, staðbundið hráefni, sjávarfang, kjöt og grænmeti en matreiðslan er undir áhrifum frá Suður-Evrópu og Mið-Ameríku.

Fjölbreytt úrval grænmetisrétta er á boðstólum og fjögurra rétta smakk matseðlarnir eru sérstaklega vinsælir.

Á barnum er gott úrval af innlendum og alþjóðlegum kranabjór, vínum og hanastélum.

Vertu velkomin á vinalega veitingastaðinn við gömlu höfnina.

Forréttabarinn er nútímalega hannaður en hátt er til lofts eins og gjarnan er í gömlum iðnaðarhúsnæðum.

Minimalísk Skandinavísk hönnun í aðalrými með listaverkum – stórum gluggum og opnu eldhúsi.

Barsvæðið er með viðarborðum smíðuðum úr gömlu bryggju timbri.

Húsnæði Forréttabarsins var byggt árið 1939 og hýsti um árabil, stálsmiðju, netaverkstæði og vörulager.