Heyrn ehf

Heyrnarþjónusta

Heyrn ehf - Hlíðasmára 19 - 201 Kópavogi

www.heyrn.is     heyrn@heyrn.is

Opið er virka daga frá kl. 9 til 16:30 - Ef þarf þá er opið lengur suma þriðjudaga. 

Tímapantanir eru í síma 534 9600 eða á heyrn@heyrn.is

Heyrnarþjónusta

Hjá Heyrn er veitt alhliða þjónusta til að bæta úr heyrnarskerðingu undir faglegri ábyrgð Ellisifjar Björnsdóttur, heyrnarfræðings.

Starfsfólk Heyrnar leggur sig fram um að veita sem besta þjónustu og allur aðbúnaður og mælitæki eru ný og fyrsta flokks.

Í boði er fjölbreytt úrval danskra, gæðaheyrnartækja sem eiga að uppfylla þarfir flestra sem þurfa á heyrnartækjum að halda.

Fagleg heyrnarþjónusta með það að markmiði að allir landsmenn heyri vel

Margir taka ekki eftir því að heyrnin skerðist og þeir eiga einnig erfitt með að viðurkenna það m.a. vegna þess að það gerist smámsaman. Oft uppgötvar fólk heyrnarskerðingu vegna ábendinga frá öðrum. Eftirfarandi spurningar geta hjálpað þér við að taka ákvörðun um hvort ástæða sé til að fara í heyrnargreiningu

• Hváirðu oft?
• Finnst öðrum að þú stillir útvarpið eða sjónvarpið of hátt?
• Finnst þér hljóð lágvær og að aðrir muldri þegar þeir tala við þig?
• Hefurðu són í eyrunum?
• Heyrirðu illa þegar þú talar í símann?
• Áttu erfitt með að taka þátt í samtali þar sem er hávaði eða margmenni?
• Hefurðu verið í miklum hávaða t.d. í vinnunni?
• Áttu auðveldara með að skilja karlaraddir en kvennaraddir?
• Heyrirðu illa í dyrabjöllunni og símanum?
• Veldur það þér vandræðum að missa úr því sem sagt er þegar þú hittir ókunnuga?
• Ferðu sjaldan á mannamót vegna þess að þú átt erfitt með að ná því sem um er talað?
• Veldur heyrnarskerðingin því að þú talar minna við vini og þína nánustu en þú gjarnan vildir?
• Veldur það þér depurð að þú heyrir ekki vel?

Ef þú svarar játandi einhverjum ofantalinna spurninga þá átt þú ef til vill við heyrnarskerðingu að stríða og þá væri gott að fá úr því skorið með heyrnargreiningu.

Hjá Heyrn færðu greiningu, ábendingar um ráð við heyrnarskerðingu og tilboð um lausn sem vonandi hentar þér.

Lífsstíll og hljóðumhverfi hafa áhrif á hvaða heyrnartæki er hentugast að velja fyrir hvern og einn. Sá sem áttar sig á í hverskonar hljóðumhverfi hann hrærist og hvaða kröfur hann gerir á auðveldar með að velja sér, með aðstoð heyrnarfræðings, heyrnartæki sem henta. Heyrn er með allar gerðir af heyrnartækjum frá ReSound. Einnig er í boði þráðlaus aukabúnaður og fyrir þá sem hafa áhuga á tækninýjungum er vert að nefna að það er hægt að stilla heyrnartækin í Appinu.

 Heyrðu umskiptin – Fáðu heyrnartæki til reynslu