STAPI

Hið sögufræga félagsheimili Stapi er stærsti salurinn í Hljómahöll og býður upp á fjölbreytta möguleika til viðburðahalds.

Salurinn getur tekið allt að 800 gesti á tónleikum, þar af 700 standandi á gólfi og 100 í sætum á svölum. Þegar haldnir eru dansleikir eykst gestafjöldinn upp í 897 manns, með því að framlengja salinn og opna inn í Merkines-salinn. Stapi býður einnig upp á 445 sæti í leikhúsuppröðun, þar af eru rúmlega 100 sæti staðsett á svölum. Ef salurinn er notaður fyrir borðhald, þá getur hann tekið allt að 450 manns, og er þá einnig framlengdur yfir í Merkines-salinn til að auka plássið.

Stapi er því tilvalinn fyrir stórar samkomur, hvort sem það eru fundir, ráðstefnur, tónleikar, árshátíðir eða veislur, þar sem boðið er upp á sveigjanlega möguleika og góðan aðbúnað fyrir gesti.

BERG

Salurinn Berg er nefndur í höfuðið á Hólmsbergi í Keflavík sem í daglegu tali er nefnt „Bergið".

Berg er kjörinn fyrir tónleika, fundi og ráðstefnur. Berg býr yfir fullkomnu og öflugu hljóðkerfi, skjávarpa og sýningartjaldi. Í salnum eru 127 sæti. Stólunum er raðað á bekki í sjö stighækkandi raðir. Stólarnir eru einstaklega þægilegir en þeir heita Magni og eru hannaðir af Valdimari Harðarsyni arkitekt.

ROKKSAFN ÍSLANDS

Ókeypis aðgangur

Rokksafn Íslands er lifandi og frábær áfangastaður fyrir alla sem vilja kynnast íslenskri tónlistarsögu. Á safninu má upplifa ítarlega tímalínu sem leiðir gesti í gegnum þróun íslenskrar tónlistar allt frá árinu 1830 og fram til dagsins í dag.

Á safninu má sjá fjölmarga einstaka muni. Þar á meðal er trommusett Gunnars Jökuls Hákonarsonar, notað á meistaraverkinu Lifun með Trúbrot, kjól sem Emiliana Torrini klæddist í myndbandinu Jungle Drum, og fræga lúðrasveitarjakka sem Stuðmenn notuðu í myndinni Með allt á hreinu. Einnig má sjá kjól af Elly Vilhjálms, föt af Rúnar Júlíusson og fjölmarga aðra dýrgripi úr tónlistarsögunni.

Rokksafn Íslands er staður fyrir alla - hvort sem þú þekkir íslenska tónlist utan að eða ert að stíga fyrstu skrefin inn í þennan litríka heim. 

Opnunartími Rokksafns Íslands:

Virka daga 9:00-18:00

Helgar 10:00-17:00

Opið allan ársins hring nema á nýársdag, föstudaginn langa, páskadag, aðfangadag jóla, jóladag og gamlársdag.