Hótel Búðir

Hótel Búðir er tvímælalaust eitt fegursta sveitahótel á Íslandi í aðeins tveggja stunda akstursfjarlægð frá Reykjavík. Þetta glæsilega hótel er einstakt í sinni röð útbúið öllum nútímaþægindum, andrúmsloftið er heillandi, þjónustan framúrskarandi og síðast en ekki síst; matur í sérflokki.

Hótel Búðir, tekið fyrst í notkun 1948, er notalegt og sögufrægt hágæða 52 herbergja sveitahótel. Hótelið rekur margrómaðan veitingastað og er staðsett í einni af perlum náttúru Íslands við rætur Búðahrauns á Snæfellsnesi. Hótel Búðir er vinsæll áfangastaður ferðamanna, hvort heldur íslenskra eða erlendra gesta sem gera miklar kröfur um fyrsta flokks þjónustu hjá metnaðafullu starfsfólki.