Já.is

Umhverfisstefna

Jákvæð umhverfisstefna

Já leggur áherslu á jákvæða umhverfisstefnu.  Allt frá árinu 2007 hefur Símaskráin borið opinber umhverfismerki.  Svanurinn er opinbert umhverfismerki Norðurlandanna og þeir einir fá að nota merkið sem uppfylla strangar kröfur um gæði og takmörkun umhverfisáhrifa.  Öll aðföng og framleiðsluaðferðir Símaskrárinnar eru umhverfisvæn. 

Já gerði auk þess samstarfssamning við Skógræktarfélag Íslands um að gróðursetja árlega 1.500 trjáplöntur á Ingunnarstöðum í Brynjudal á árunum 2007-2009.  Með því vildi Já á táknrænan hátt skapa mótvægi við þau tré sem felld eru vegna prentunar Símaskrárinnar, stuðla að sjálfbærum rekstri og skynsamlegri nýtingu skóga.