Íslenskir aðalverktakar hf

Íslenskir aðalverktakar hf

Sími 530 4200
Vefsíða www.iav.is
Netfang iav@iav.is
Upplýsingar

60 árum og ótal mannvirkjum seinna

Á þeim 60 árum sem liðin eru frá stofnun Íslenskra aðalverktaka hefur fyrirtækið komið að hönnun og byggingu fjölda mannvirkja. Mannvirkin spanna allt svið byggingariðnaðarins og má þar nefna íbúðabyggingar, verslunar- og skrifstofuhúsnæði, vegi, brýr, jarðgöng, veitur, snjóflóðamannvirki, hafnir, virkjanir, iðnaðarhúsnæði, verksmiðjur, skóla, sundlaugar, íþróttahús, knattspyrnuhallir og tónlistarhúsið Hörpu. Einnig starfrækir ÍAV þrjár jarðefnanámur.


Breidd verkefna ber vott um metnað og áhuga á að takast á við flókin og krefjandi verkefni. Auk þess gerir verkefnavalið kröfu til fyrirtækisins um að hafa á að skipa hæfu starfsfólki með þekkingu, reynslu og bestu fáanlegu menntun á þeim sviðum sem fyrirtækið starfar á. ÍAV leggur mikla áherslu á að ráða til sín kraftmikla og framsækna einstaklinga og bjóða þeim góða starfsaðstöðu við krefjandi verkefni.

 

 

 

Í verkum sínum leggur ÍAV mikið upp úr gæðum og umfram allt öryggi og heilbrigði starfsmanna. Til að ná þeim markmiðum hefur fyrirtækið á undanförnum árum undirgengist tvær alþjóðlegar vottanir. Annars vegar vottun samkvæmt ISO 9001:2008 gæðastaðlinum sem fyrirtækið hlaut 2009 og hins vegar samkvæmt OSHAS 18001:2007 öryggisstaðlinum sem fyrirtækið hlaut 2014.

Sá fyrrnefndi tryggir að öll verk ÍAV eru unnin samkvæmt ákveðnu gæðaviðmiði sem staðallinn setur og sá síðarnefndi að öryggis- og heilbrigðismál séu órjúfanlegur þáttur í öllum framkvæmdum ÍAV. BSi er vottunaraðili ÍAV í báðum þessum vottunum og heimsækir fyrirtækið reglulega og tryggir að unnið sé eftir ákvæðum þessara staðla.

ÍAV er eini verktakinn á almennum byggingarmarkaði sem hefur þessar vottanir og er því leiðandi á þessu sviði.