Matís Borgum

Matís vinnur að rannsóknum og nýsköpun á matvælum í þágu atvinnulífsins og til að efla matvælaöryggi og lýðheilsu. Sérstök áhersla er lögð á verðmætasköpun úr vannýttum auðlindum, einkum lífauðlindum landsins.

Með fjölbreyttu samstarfi við fyrirtæki og menntastofnanir eru niðurstöður rannsókna og þróunar nýttar til að auka þekkingu og skapa verðmæti í samfélaginu með sjálfbærum hætti.

Matís vinnur stöðugt að eflingu matvælaframleiðslu og aukinni samkeppnishæfni íslenskra afurða og vinnur náið með fyrirtækjum, í sjávarútvegi, í landbúnaði og í annarri matvælaframleiðslu og líftækni um allt land. Markmiðið er sjálfbær nýting auðlinda til sjávar og sveita.