25 ára þekking og reynsla í rekstri húsfélaga og atvinnufélaga

Eignaumsjón hf. er leiðandi fyrirtæki í þjónustu við húsfélög og rekstrarfélög fasteigna og býr yfir víðtækri reynslu og þekkingu í rekstri og umsjón fjöleignarhúsa, bæði atvinnu- og íbúðarhúsnæðis, eftir 25 ára starfsemi.

Eignaumsjón getur annast allan daglegan rekstur húsfélaga, s.s. bókhald, greiðslur reikninga og innheimtu, útvegun iðnaðarmanna og þjónustuaðila við húfsfélög, ásamt öflun tilboða í viðhaldsverkefni stór sem smá. Eignaumsjón sér einnig um hús- og aðalfundi húsfélaga og atvinnufélaga, bæði undirbúning, fundarstjórn og fundarritun. Jafnframt býður Eignaumsjón upp á fjölbreytta þjónustu fyrir leigufélög, bæði rekstrar- og leiguumsjón, og Húsumsjón, fyrir hús- og rekstrarfélög sem það kjósa.

Betri kjör í krafti stærðarinnar

Markmið Eignaumsjónar er að veita framúrskarandi þjónustu og spara viðskiptavinum sínum kostnað við bæði húsfélagaþjónustu banka, ítrekunargjöld og þóknanir vegna gjaldkerastarfa, bókhalds, endurskoðunar og fleiri rekstrarþátta, svo ekki sé minnst á tímasparnaðinn og hagræðið fyrir stjórnir húsfélaga.

Afsláttarsamningar í krafti markaðsstærðar Eignaumsjónar geta líka skilað húsfélögum og eigendum íbúða í viðkomandi húsfélögum umtalsverðum sparnaði og margra ára samstarf við valda þjónustu- og framkvæmdaaðila tryggir einnig viðskiptavinum Eignaumsjónar bestu kjör.

Húsbókin – bætt þjónusta við stjórnir og eigendur

Húsbókin, mínar síður eigenda, er rafræn þjónustu- og upplýsingagátt á heimasíðu Eignaumsjónar fyrir eigendur húsfélaga í bæði íbúðar- og atvinnuhúsnæði. Innskráning er með rafrænum skilríkjum.

• Stjórnarmenn sjá m.a. daglega fjárhagsstöðu húsfélagsins, stöðu bankareikninga, útistandandi húsgjöld/framkvæmdagjöld, stöðu innheimtukrafna og eftirlitsskýrslur húsumsjónar, ef sú þjónusta er nýtt.
• Eigendur/íbúar sjá m.a. greiðsluupplýsingar sínar/húsgjöld (greiðsluseðla og kröfusögu), fundargerðir, ársreikninga og önnur gögn húsfélagsins.

Sérhæft starfsfólk og skilvirk upplýsingagjöf

Hjá Eignaumsjón starfar vel menntað og þrautreynt starfsfólk, þ. á m. vanir bókarar og gjaldkerar, viðskiptafræðingar og rekstrarfræðingur, hagfræðingur, byggingaverkfræðingur og iðnaðarmenn, sem tryggir að húsfélagið er í öruggum höndum.

Skrifstofa Eignaumsjónar og fundarsalir eru á Suðurlandsbraut 30, 2. hæð, 108 Reykjavík. Fundarsalir eru einnig í Bæjarhrauni 6 í Hafnarfirði. Þjónustuver Eignaumsjónar er opið milli kl. 9-16 mánudaga til fimmtudaga og kl. 9-15 á föstudögum. Hægt er að hringja í síma 585-4800, senda tölvupóst á thjonusta@eignaumsjon.is eða hafa samband með netspjalli á www.eignaumsjon.is.

Sláðu á þráðinn eða sendu okkur fyrirspurn, við hlökkum til að heyra í þér!