Rekstrarvörur

Rekstrarvörur var stofnað í Reykjavík þann 18. maí 1982 og er rótgróið fjölskyldufyrirtæki sem þjónustar íslenskan markað.

Rekstrarvörur (RV) sérhæfir sig í sölu og dreifingu á hreinlætis-, hjúkrunar- og rekstrarvörum og hefur byggt upp sterka stöðu á markaði með áherslu á gæði, faglega ráðgjöf og sérsniðnar heildarlausnir. Við leggjum okkur fram við að vera traustur samstarfsaðili sem styður fyrirtæki, stofnanir og einstaklinga í að viðhalda öryggi, hreinlæti og skilvirkni í daglegum rekstri.

Heilbrigðissvið RV þjónustar heilbrigðisstofnanir og fyrirtæki um allt land, þar á meðal skjólstæðinga Sjúkratrygginga Íslands, með viðurkenndum vörumerkjum og sérhæfðri ráðgjöf. Þetta nær til hjúkrunarvöruúrvals, sérhæfðra lausna fyrir heilbrigðisstofnanir og aðstoðar við að uppfylla ströngustu kröfur í umhverfi þar sem hreinlæti skiptir öllu máli.

Við bjóðum einnig upp á nútímalausnir, svo sem sjálfvirka hreinlætisróbota, sjálfvirkan skömmtunarbúnað og önnur tæknivædd kerfi sem auka skilvirkni og tryggja hreinlæti. RV leggur auk þess mikla áherslu á umhverfisvænar lausnir, með vörur og þjónustu sem stuðla að sjálfbærni og minni umhverfisáhrifum.

Kaffiþjónusta RV býður fyrirtækjum og stofnunum upp á heildarlausnir fyrir kaffistundirnar. Við seljum gæðakaffi frá Pelican Rouge, auk þess sem við bjóðum allt sem þarf til að fullkomna kaffiupplifunina – þar á meðal kaffivélar, hreinlætisvörur og fylgihluti. Fyrirtæki geta verið í kaffisamningi hjá okkur, þar sem þau leigja kaffivélar með reglulegri þjónustu og viðhaldi. Markmið okkar er að tryggja fyrirtækjum auðveldan og áreiðanlegan aðgang að fyrsta flokks kaffiþjónustu.

Viðskiptavinir RV koma úr fjölbreyttum geirum, þar á meðal matvælaiðnaði, stóreldhúsum, veitingastöðum, heilbrigðisstofnunum, íþróttamiðstöðvum, sundlaugum, skrifstofum og ræstingargeiranum. Viðskiptavinum er boðið upp á heildarlausnir sem fela í sér ráðgjöf, gerð hreinlætis- og öryggisáætlana, uppsetningu búnaðar, reglulegt þjónustueftirlit og fræðslu, auk afhendingar á fjölbreyttu úrvali gæðavara.

Rekstrarvörur er staðsett að Réttarhálsi 2 í Reykjavík. Þar sameinast skrifstofur, sýningarsvæði, lager og verslun í rúmgóðu húsnæði sem þjónar fjölbreyttum þörfum viðskiptavina okkar. Hjá RV starfar samhentur hópur 55 starfsmanna á Íslandi og 20 í Danmörku hjá dótturfyrirtækinu, RV Unique.

Verslun RV er opin alla virka daga kl. 08 - 17 og laugardaga kl. 11 - 15.

Með vefverslun, RV.is, sem opin er allan sólarhringinn tryggjum við aðgengi að vörum hvar og hvenær sem er.

Gildi okkar eru traust, þjónusta, jákvæðni og liðsheild. Með öflugu starfsfólki, stöðugri þróun og áherslu á nútímalausnir höfum við verið leiðandi í þjónustu við íslenskan markað í yfir fjóra áratugi.