Endurvinnslustöð SORPU

SORPA er í eigu sveitarfélaganna á höfuðborgarsvæðinu og sinnir móttöku og meðhöndlun úrgangs frá heimilum og fyrirtækjum.

SORPA sér ekki um sorphirðu, heldur kemur hráefnum til endurvinnslu, bæði hérlendis og erlendis.

SORPA rekur sex endurvinnslustöðvar, móttöku- og flokkunarstöð, gas- og jarðgerðarstöðina GAJU, urðunarstað, nytjamarkaðinn Góða hirðinn, Efnismiðlun og hefur umsjón með grenndargámum á höfuðborgarsvæðinu.

Höfuðmarkmið SORPU er að vera leiðarljós samfélagsins í úrgangsmálum og meðhöndla auðlindir af ábyrgð með sjálfbærni að markmiði.

Við tökum á móti hópum í fræðslu og einstaklingar geta einnig leitað eftir ráðgjöf hjá okkur.

Nánari upplýsingar um flokkun og skil á mismunandi tegundum úrgangs, staðsetningar starfsstöðva, opnunartíma o.fl. má finna á vefnum okkar www.sorpa.is