Útfararþjónusta Hafnarfjarðar

Útfararþjónusta Hafnarfjarðar

Af nærgætni og alúð

Sími 565 9775
Vefsíða www.uth.is
Netfang uth@uth.is
Frímann Andréss útfararstj
Hálfdán G Hálfdánarson útfararstj
Ólöf Helgadóttir
Líkkistuvinnustofan Fjöl - Smíð ehf
- Stapahrauni 5, 220 Hfj
Um Útfararþjónustu Hafnarfjarðar

Allir verða fyrir því einhvern tíma á ævinni að missa náinn ástvin. Dauðinn gerir oftast ekki boð á undan sér og skyndilega stendur fólk frammi fyrir þungbærri reynslu. Sorgin er eðlileg viðbrögð við missi ástvina. Sorginni fylgja margvíslegar tilfinningar og menn bera sorg sína með mismunandi hætti. Syrgjendum ber að sýna nærgætni og virðingu. Þar sem sorgarviðbrögð eru breytileg skiptir miklu máli að þeir sem umgangast aðstandendur hafi mikla þekkingu og reynslu í mannlegum samskiptum.

Á sama tíma og sorgin sækir að þurfa aðstandendur að sinna mörgum aðkallandi málum varðandi útför ástvinar síns. Útfararstjórar okkar hafa áralanga reynslu í umsjón útfara og eru vanir að umgangast fólk á viðkvæmustu stundum í lífi þess. Þeir sýna aðstandendum fullan trúnað og eru bundnir þagnareiði um allt það sem fram fer í starfi þeirra.

Á skrifstofu okkar er góð aðstaða til þess að ræða við aðstandendur í næði um mörg viðkvæm ákvörðunaratriði. Þegar haft er samband við útfararstjóra eða prest vegna útfarar þurfa eftirfarandi uppýsingar að liggja fyrir: Fullt nafn hins látna, lögheimili, kennitala, dánarstaður, dánardagur, staða, nafn nánasta aðstandanda, lögheimili hans, kennitala og sími.

Hjá Útfararþjónustu Hafnarfjarðar er starfrækt líkkistuvinnustofan Fjölsmíð sem framleiðir kistur og krossa. Einnig starfækjum við saumastofu þar sem saumuð eru rúmföt og kisturnar bólstraðar. Þar er hægt að velja um nokkrar útfærslur af bólstrun og rúmfötum. Allar okkar kistur eru umhverfis- og gæðavottaðar og standast ýtrustu kröfur um greftrun og líkbrennslu. Á heimasíðu okkar uth.is má sjá fleiri tegundir af kistum og öðrum vörum sem við höfum uppá að bjóða ásamt verðskrá.


Útfararþjónusta Hafnarfjarðar
annast útfarir frá öllum kirkjum á höfuðborgarsvæðinu

  • Flytja hinn látna í líkhús
  • Aðstoða við val á sálmum
  • Aðstoða við val á kistu
  • Útbúa sálmaskrá
  • Útvega kapellu til kistulagningar
  • Aðstoða við öflun líkbrennsluheimildar
  • Útvega kirkju
  • Útvega duftker
  • Panta organista, söngfólk og hljóðfæraleikara
  • Útvega krossa á leiði
  • Útvega legstað í kirkjugarði
  • Stjórna útför
  • Panta kistuskreytingar
 

 


Nánari upplýsingar um verð og útfararleiðir

uth.is