Baldursbrá

Baldursbrá vex og dafnar í gróinni lautu en fyllist mikilli löngun til að sjá sólarlagið sem blasir við ofan af ásnum. Með hjálp Spóa og Rebba kemst hún þangað – en lendir í miklum háska á þessum nýju slóðum. Fjörugir yrðlingar koma við sögu og Hrúturinn hræðilegi sem má ekkert aumt sjá án þess að vilja éta það.

Sagan byggist á ævintýraóperunni vinsælu Baldursbrá og er skreytt myndum eftir Freydísi Kristjánsdóttur. Bókinni fylgir mynddiskur með upptöku frá sýningunni í Hörpu með texta á íslensku, ensku, þýsku, dönsku, frönsku og ungversku.

Baldursbrá er 31 blaðsíða að lengd. Anna Cynthia Leplar sá um kápuhönnun og hönnun innsíðna. Bókin er prentuð í Slóveníu.