Karst A5 stílabók úr steinapappír. - Harðspjalda með auðum síðum, Græn.

Gamla Bókabúðin kynnir með stolti stílabækur gerðar úr steinum! - Verið velkomin í 21. öldina!  Karst stílabækur úr steinum eru eins og stílabækur úr pappír, nema miklu betri og umhverfisvænni.

Karst hefur sérhæft sig í framleiðslu á pappír úr steinum, eða Kalsíumkarbónat, sem er unnið úr endurunnum kalsteinum sem falla til við aðra framleiðslu og því þarf ekki að fella eitt einasta tré við framleiðslu á Karst stílabókum.

Það þarf ekkert vatn í framleiðsluna og engin not fyrir hættulegar efnablöndur og sýru til að drepa bakteríur og gera pappírinn hvítan, þar sem kalksteinninn er náttúrulega hvítur. Þá þarf 85% minni orku til að framleiða steinapappír, heldur en pappír úr trjám, sem gerir stílabækurnar alveg einstaklega umhverfisvænar.

Umhverfisspor Karst stílabóka er 60% minna en sambærilegar stílabækur úr trjákvoðu. Að auki plantar Karst nýjum trjám fyrir hverja selda stílabók, þannig að hver bók er kolefnisjöfnuð að fullu.

En hvernig er að skrifa á og nota pappír gerður úr steinum? - Það er frábært! Pappírinn er mýkri viðkomu heldur enn venjulegur pappír, þótt ótrúlegt meigi virðast og fyrir vikið er einstaklega gott að skrifa á hann. Steinapappírinn er mjög endingagóður og erfitt að rífa hann.

Svo er steinapappír auðvitað vatnsheldur, ólíkt hinum hefðbundna pappír. - Því þarf ekki að hafa áhyggjur af því að missa kaffibollan eða vatnsglasið á glósur vetrarins, ljóð dagsins eða dagbókafærslur seinustu ára. Karst stílabækurnar henta líka frábærlega á sóðalega og raka vinnustaði, þar sem þörf er á sterkum og endingagóðum pappír sem þolir bleytu og hendur vinnandi manna og kvenna.