Minikane standandi dúkka - Archie

Ný týpa af Minikane dúkkunum, þessar eru 3 cm stærri en hinar og eru með beinar fætur og hafa þann eiginleika að geta staðið sjálfar. Þær koma í fallegum kassa og einnig í fötum. Það er hægt að hreyfa útlimi og þær geta líka setið.

Gullfallegu dúkkurnar frá Minikane eru frábær gjöf fyrir litla fólkið, dúkkuleikur hefur margvísleg jákvæð áhrif á börn, þau læra að sýna umhyggju, samkennd og ábyrgð. Einnig stuðlar dúkkuleikur að virkjun ímyndunaraflsins og börn geta gleymt sér í fallegum leik.

Dúkkurnar eru framleiddar á spáni af fyrirtæki sem heitir Paola Reina sem hafa framleitt dúkkur síðan árið 1870 og dúkkurnar frá þeim eru virkilega vandaðar og veglegar. Þessi dúkkulína er framleidd sérstaklega fyrir Minikane sem var stofnað árið 2012 og fengu færasta dúkkuframleiðanda spánar til að búa til þessar fallegu dúkkur fyrir sig í sínu nafni. Dúkkulínan er mjög fjölbreytt, margar mismunandi dúkkur og mikið af fallegum dúkkufötum og aukahlutum. Minikane hefur alltaf lagt áherslu á að fagna fjölbreytileikanum og einnig er öryggi í fyrirrúmi. Dúkkurnar eru CE vottaðar, eiturefnalausar og eru að hluta til handgerðar svo að dúkkurnar eru mjög raunverulegar í útliti.

Hægt er að snúa handleggjum og fótleggjum, hægt er að setja dúkkurnar í bæði sitjandi og standandi stöðu. Dúkkurnar hafa smávægilegan vanilluilm svo það er mjög ánægjulegt að knúsa þær.

Stærð: 37 cm á hæð

Efni: Dúkkurnar eru úr hágæða vínyl sem er án Þalata.

Hentar best fyrir 3 ára +