Semperfli Micro Metal Stál - Steel

Micro Metal er áhugavert efni frá Semperfli sem er sambland af hnýtingaþræði, vír og málmi. Efnið hefur fallegan gljáa og má nota sem búkefni, kraga eða vöf á hinar ýmsu flugur. Micro Metal er töluvert eðlisléttara en vír og hefur því takmörkuð áhrif á þyngd flugunnar sem hnýtt er. Þetta getur komið sér vel þegar hnýta á þurrflugur, púpur sem veiða ofarlega í vatnsskorpunni eða smáar laxaflugur. Efnið hefur sama yfirbragð og glampa eins og vír en nýtist til annarra hluta. Á hverju kefli eru 75 metrar og eru 16 litir efnisins fáanlegir.