Sumar með Rebekku

Höfundur: Þórarinn Örn Þrándarson

Innbundin 221 bls.

„ÞAÐ ER ERFITT AÐ ÚTSKÝRA, ÞÚ VERÐUR EIGINLEGA AÐ SJÁ ÞAÐ BERUM AUGUM, ÞVÍ ÞETTA ER ÞAÐ FALLEGASTA AF ÞVÍ SÁLARLAUSA SEM GUÐ HEFUR SKAPAÐ. KANNSKI MUNTU TEIKNA ÚTSÝNIÐ EINN DAGINN?“

Erik er ungur listmálari sem býr á heimili foreldra sinna í Reykjavík. Móðir Eriks hefur sínar eigin hugmyndir um framtíð hans. Hún kennir honum, hlýðir honum yfir heimanámið, klípur hann í handlegginn ef honum tekst illa til.

Árið 1999 verður Erik yfir sig ástfanginn af Rebekku, sem vinnur nálægt skólanum hans.
Þrátt fyrir vanþóknun móður hans á ástarsambandinu upplifir Erik hamingjusömustu daga ævi sinnar.

Á mörkum bjartrar framtíðar og nýs lífs á Langafirði er Erik jafnframt á barmi myrkurs sem á eftir að umsnúa lífi hans.

Sumar með Rebekku er önnur skáldsaga höfundar. Sagan er sögð í tveimur hlutum og er í sömu mund ástarsaga og saga af örvæntingu ungs manns sem reynir að horfast í augu við liðna tíð.

Bókin er einnig fáanleg í verslunum Pennans Eymundson, verslun Forlagsins og flestöllum bókabúðum.
Þórarinn Örn Þrándarson er fæddur árið 1984. Hann er giftur Maríu Birkisdóttur. Þau eru búsett í Danmörku. Fyrsta skáldsaga hans, Raunverulegt líf Guðbjargar Tómasdóttur, kom út hjá bókaforlaginu Björt árið 2019.