Vinnumálastofnun á Vestfjörðum

Vinnumálastofnun heyrir undir félags- og barnamálaráðherra og fer m.a. með yfirstjórn vinnumiðlunar í landinu og daglega afgreiðslu Atvinnuleysistryggingasjóðs, Fæðingarorlofssjóðs, Ábyrgðarsjóðs launa auk fjölmargra annara vinnumarkaðstengdra verkefna. 

Vinnumálastofnun rekur 10 þjónustuskrifstofur í kringum landið. Þar er veitt öll almenn þjónustu við atvinnuleitendur, haldið utan um skráningu, mat er lagt á færni þeirra, auk þess sem aðgengi að ráðgjöf, vinnumiðlun og sértækari úrræðum eru í boði. 

Vinnumálastofnun annast einnig greiðslur og útreikning atvinnuleysisbóta, skipulag vinnumarkaðsúrræða, utanumhald upplýsinga er varða atvinnuástand, atvinnuhorfur og fleira auk þess að annast útgáfu atvinnuleyfa og sjá um skráningu erlends vinnuafls og starfsmannaleiga á íslenskum vinnumarkaði. 

Símaþjónusta Vinnumálastofnunar er opin frá mánudegi til fimmtudags frá kl. 9:00-15:00, en föstudaga frá kl. 9:00-13:00.