Vök Baths ehf aðeins í nokkurra mínútna fjarlægð frá Egilsstöðum

Vök Baths eru heitar náttúrulaugar sem opnuðu í júlí 2019 og eru staðsettar á bökkum Urriðavatns við Egilsstaði. Jarðhitinn í Urriðavatni uppgötvaðist á sínum tíma þegar ákveðnar vakir, svokallaðar Tuskuvakir, héldu sér á vatninu sama hvernig frysti. Vakirnar voru í þá daga notaðar til að þvotta á vetrum þegar erfitt var að komast í vatn og urðu þá kveikja að þjóðsögum um Tusku sem bjó í Urriðavatni og notaði vakirnar til að komast upp á yfirborðið.

Til að tengja náttúrulaugarnar betur við sögu staðarins eru Vakirnar aðal kennimerki Vök Baths en það eru tvær laugar sem fljóta á vatninu. Gestir geta því reynt á eigin skinni að sitja í heitum vökum Urriðavatns og mynda þannig einstök tengsl við náttúruna í kring.

Þó Ísland sé þekkt fyrir jarðhitann er Austurland skilgreint á köldu svæði og heitar náttúrulaugar fátíðar. Það gerir Vök Baths við Urriðavatn að spennandi áningarstað fyrir heimamenn og þá gesti sem eiga leið um.

Jarðhitavatnið sem notað er í böðin er einstakt á Íslandi. Um er að ræða eina jarðhitavatnið sem vottað er hæft til drykkjar á landinu. Vatnið kemur úr borholu sem staðsett er steinsnar frá Vök Baths. Borholurnar eru á milli 1000-2000 metrar á dýpt og vatnið um 75 gráðu heitt.