Moon-Bots

Stutt og skemmtilegt teningaspil þar sem sá sem síðastur eftir stendur, sigrar spilið. Hin árlega Moon Bots keppni er að hefjast! Bestu vísindamenn sólkerfisins safnast saman á tunglinu til að berjast hver við annan. Þú þarft að nota hugvit þitt, því í þessari keppni má aðeins nota parta sem þú finnur á haugunum til að byggja bardagavélmennið þitt. Notaðu orkuna skynsamlega og láttu höggin dynja á andstæðingnum til að sigra þennan miskunnarlausa vélmennabardaga. Spilið minnir um margt á King of Tokyo , en er styttra og einfaldara, því uppfærslurnar á vélmennunum eru með táknmyndum en ekki texta.