Vörumynd

Hvíta bókin

Einar Már Guðmundsson er meðal okkar virtustu rithöfunda en í nýjasta verki hans kveður við nýjan tón. Hvíta bókin er eftirtektarvert rit frá framúrskarandi höfundi sem kryfur ástand samfélagsins og hvetur þjóðina til betri verka.

Hvíta bókin er um margt einstakt verk, fjörug og fyndin bók en um leið miskunnarlaus í lýsingu sinni á íslensku samfélagi og þróun þess...

Einar Már Guðmundsson er meðal okkar virtustu rithöfunda en í nýjasta verki hans kveður við nýjan tón. Hvíta bókin er eftirtektarvert rit frá framúrskarandi höfundi sem kryfur ástand samfélagsins og hvetur þjóðina til betri verka.

Hvíta bókin er um margt einstakt verk, fjörug og fyndin bók en um leið miskunnarlaus í lýsingu sinni á íslensku samfélagi og þróun þess á undanförnum árum; hún fer vítt um í tíma og rúmi, blandar saman persónulegum minningum höfundarins og köflum úr stjórnmálasögu heimsins, rokkmúsík og efnahagsumræðu, pólitík og bókmenntum, samfélagsgagnrýni og hollum mannskilningi. Þar sannast að stundum þarf skáldskapargáfu til að sjá hlutina í sínu rétta samhengi og benda á augljósar lausnir.

Hvíta bókin
er bæði hugmyndabanki og óvenjulegt upplýsingarit. Einar Már hlífir engum, hvorki til hægri né vinstri, og spyr óþægilegra spurninga, ekki ólíkt barninu í sögunni sem velti fyrir sér hvers vegna keisarinn væri ekki í neinum fötum. Kveikjan að bókinni var ögrandi skrif Einars í Morgunblaðið fyrstu vikurnar eftir hrunið síðasta haust, en þau vöktu mikla athygli hér heima og erlendis og rötuðu m.a. á síður Information í Danmörku og Gautaborgarpóstsins í Svíþjóð.

Upplýsingar eru birtar með fyrirvara um breytingar og villur. Upplýsingar á síðu söluaðila gilda.

Verslanir

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt