Vörumynd

Sonja - ævisaga

Höfundar: Reynir Traustason , Sonju Wendel Benjamínsson de Z

Líf heimskonunnar Sonju Wendel Benjamínsson de Zorrilla hefur verið sveipað dulúð.

Hún gat ekki fellt sig...

Höfundar: Reynir Traustason , Sonju Wendel Benjamínsson de Z

Líf heimskonunnar Sonju Wendel Benjamínsson de Zorrilla hefur verið sveipað dulúð.

Hún gat ekki fellt sig við þær skorður sem lífið í Reykjavík setti henni og lagði ung af stað út í heim, full af ævintýraþrá og glæstum vonum. Hún dvaldist í Þýskalandi á valdatíð Hitlers og kynntist þar bæði verðandi fyrirmönnum og fórnarlömbum. Skömmu síðar hélt hún til London þar sem hún lifði hinu ljúfa lífi innan um hina ríku og frægu. Í París komst Sonja í kynni við ýmsa frægustu tískuhönnuði heims en eftir að heimsstyrjöldin síðari brast á komst hún með naumindum með skipi til New York. Þar bjó hún lengst af ævinnar og haslaði sér völl í karlaveldinu á Wall Street og kynntist ýmsu af frægasta fólki heimsins.

Sonja var fögur og hrífandi kona sem hafði gaman af að umgangast fólk. Um sambönd hennar við karlkynið hafa myndast ýmsar sögur og sumar þeirra sannar. Um tveggja ára skeið átti Sonja í eldheitu ástarsambandi við Aristotle Onassis, grískan skipakóng sem giftist Jaqcueline Kennedy. Síðar giftist hún Alberto Zorrilla, bráðmyndarlegum ólympíumethafa og töfrandi tangódansara frá Argentínu.

Alla tíð fylgdi Sonja þeirri bjargföstu skoðun sinni að konur ættu að taka örlög sín í eigin hendur. Hún bjó yfir miklu hugrekki og frelsisþrá, stundaði myndlist, ræktaði með sér ótvíræða viðskiptahæfileika og varð vellauðug. Í þessari ótrúlegu bók segir hún á hispurslausan hátt frá langri og litríkri ævi sinni, kynnum sínum af sumu af ríkasta fólki veraldar og frá því þegar hún sneri aftur til Íslands til að eyða þar ævikvöldinu með útsýni til íslenskra fjalla.

Sonja er saga um ævintýri og ástir heimskonu sem setti sjálfstæði sitt ofar öllu öðru.

Vigdís Finnbogadóttir fyrrverandi forseti Íslands ritar formála.

Verslanir

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt