Vörumynd

Mamma segir

Ung kona flytur heim á prestssetrið til pabba síns þegar kærastan segir henni upp. Hún reynir hvað hún getur að átta sig á eðli ástarinnar og hlusta á fólkið sitt, vinkonuna og spunameistarann Mulle, lækninn þolinmóða með fráleitu hugmyndirnar, móðurina sem talar í slagorðum og hugsar ekki um annað en sextugsafmælið sem nálgast og föðurinn sem vitnar í Pink Floyd og trúir því að allt leysi...

Ung kona flytur heim á prestssetrið til pabba síns þegar kærastan segir henni upp. Hún reynir hvað hún getur að átta sig á eðli ástarinnar og hlusta á fólkið sitt, vinkonuna og spunameistarann Mulle, lækninn þolinmóða með fráleitu hugmyndirnar, móðurina sem talar í slagorðum og hugsar ekki um annað en sextugsafmælið sem nálgast og föðurinn sem vitnar í Pink Floyd og trúir því að allt leysist af sjálfu sér. Hún leyfir sér að syrgja á sinn hátt, kaldhæðin, hávær, þver, æst og ör, uns ljós kviknar aftur við enda ganganna.

Mamma segir er fyndin og sjarmerandi saga um ást, ástarsorg og meiri ást sem var stjörnum prýdd í fjölmiðlum í Danmörku þegar hún kom út árið 2012 og prentuð hvað eftir annað.

Stine Pilgaard skrifaði MA-ritgerð við Hafnarháskóla um konur og frásagnarhætti í Íslendingasögunum.

Steinunn Stefánsdóttir þýddi.

*** 1/2
„Óhætt er að segja að persónugalleríið sé fjölskrúðugt, skemmtilegt og á köflum jafnvel gróteskt ... afar hugvitsamlega samansett og eftir því skemmtileg aflestrar. Húmorinn leikur stórt hlutverk í bókinni og virkar oft vel...“
Silja Björk Huldudóttir / Morgunblaðið

*****

„... á skilið að fá hin hjartnæmustu meðmæli.“
Jyllands-Posten

*****
„... bráðskemmtileg ...“
Fyens Stiftstidende

***
„... bráðskemmtileg.“
Anna Kristín Halldórsdóttir / Pjatt.is

Upplýsingar eru birtar með fyrirvara um breytingar og villur. Upplýsingar á síðu söluaðila gilda.

Verslanir

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt