Vörumynd

Erla, góða Erla

Höfundur: Erla Bolladóttir

Nafn Erlu Bolladóttur tengist umdeildasta sakamáli Íslandssögunnar sem hefur heltekið þjóðina áratugum saman. Ýmsar sögusagnir hafa gengið um hver væri...

Höfundur: Erla Bolladóttir

Nafn Erlu Bolladóttur tengist umdeildasta sakamáli Íslandssögunnar sem hefur heltekið þjóðina áratugum saman. Ýmsar sögusagnir hafa gengið um hver væri hinn raunverulegi sannleikur í Guðmundar- og Geirfinnsmálinu en enginn virðist hafa komið til botns í því. Sögusagnirnar ganga enn.

Erla var bendluð við þetta flókna og dularfulla mál en henni var haldið heillengi í yfirheyrslum, þar til hún vissi ekki sjálf muninn á sínum vitnisburði og þess sem hún var sökuð um. Var hún þjófur, dópisti, Júdas, morðingi? Eða var hún ráðvillt stelpa sem leiðst hafði á glapstigu, og sagði hvað sem var til að fá aftur að vera með barninu sínu?

Erla, góða Erla er sjálfsævisaga og uppgjör Erlu Bolladóttur en tvítug að aldri var hún umtalaðasta og fyrirlitnasta kona landsins.

Bókina tileinkar Erla dætrum sínum þremur þar sem hún segir: „Ég á mér þá ósk að þeirra bíði samfélag sem beri gæfu til að þroska með sér skilning á merkingu hugtaksins réttlæti.“

* * * *
„Áhugaverp ævisaga einnar umtöluðustu konu landsins. Vel skrifuð og hreinskilin.“
Kjartan Guðmundsson / Fréttablaðið

„Ég held að þessi bók ætti að vera skyldulesning. Ég stóð mig að því að lesa bókina eins og spennusögu, en því miður þá fjallar hún um líf lifandi manneskju.“
Jenný Anna Baldursdóttir / www.jenfo.blog.is

****
„Lífshlaup Erlu Bolladóttur er afar merkilegt. Í raun má segja að saga hennar boði kraftaverk lífsins... sláandi saga stúlku sem veit ekki sitt rjúkandi ráð og játar allt sem í boði er. Frásögn Erlu er trúverðug og hún hlífir sjálfri sér hvergi ... Frásögn Erlu af lífi í afbrotum og neyslu er tær snilld ... Erla, góða Erla er saga konu sem sigrast á öllum erfiðleikum ... Saga hennar er nauðsynleg lesning öllum þeim sem vilja læra af lífinu. Hún fær fjórar stjörnur.“

Reynir Traustason / DV

„Þetta er áhugaverð bók og svo spennandi að það er engin leið að hætta fyrr en hún hefur verið lesin til enda.“
Steingerður Steinarsdóttir / Hann/hún


Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt