Vörumynd

Síðasta bréfið til Svíþjóðar

Höfundur: Vilhelm Moberg

Síðasta bréfið til Svíþjóðar er fjórði og síðasti hluti sögu Mobergs um Karl Óskar og Kristínu sem námu land í Ameríku á seinni hluta 19. aldar ...

Höfundur: Vilhelm Moberg

Síðasta bréfið til Svíþjóðar er fjórði og síðasti hluti sögu Mobergs um Karl Óskar og Kristínu sem námu land í Ameríku á seinni hluta 19. aldar ásamt fjölda annarra Svía og Evrópubúa. Þau voru meðal fyrstu landnemanna sem settust að á yfirráðasvæði Chippewa-indíána við Ki-Chi-Saga vatn.

Börnunum á Nýja-Dúfulandi  hefur fjölgað, búið stækkað og ýmis lífsþægindi eru komin til sögunnar. En nú er tilveru landnemanna ógnað. Á milli Norður- og Suðurríkjanna geisar blóðug borgarastyrjöld í forsetatíð Abrahams Lincoln, indíánarnir sem hafa verið rændir veiðilendum sínum gera heiftúðuga uppreisn, sértrúarsöfnuðir skjóta upp kollinum og hörð átök hefjast um mismunandi kenningar. Einhverjir telja sig heyra grát englanna á himnum og gleðilæti djöflanna í helvíti. Alvarleg slys eiga sér stað og veikindi herja á fjölskylduna.

Eftir viðburðarík ár færist aldurinn yfir söguhetjurnar sem skilað hafa drjúgu ævistarfi og tekið þátt í miklum sviptingum. Ný kynslóð er að taka við keflinu, fólk sem vill ekki muna gamla tímann, hefur nýja siði til vegs og virðingar og horfir bjartsýnt fram á veginn.

ATH. Tvær gerðir hljóðbóka eru í boði fyrir þessa vöru . Hljóðbókina má kaupa á geisladiski (CD eða Mp3) sem sendist í pósti en einnig sem streymishljóðbók (Streymi) sem er afhent rafrænt og hægt er að hlusta á beint í gegnum app Forlagsins eða vafra . Hér má lesa meira um hljóðbækur í streymi.

Hljóðbókin er um 12 klukkustundir í hlustun.

Hjalti Rögvaldsson les.

Verslanir

  • Forlagið
    Til á lager
    990 kr.
    Skoða
Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt