Ástríður

Í þessari nýstárlegu ljóðabók nálgast Bjarki
Bjarnason viðfangsefni sitt með því að setja sig
í spor Gísla Brynjúlfssonar skálds (1827-1888).

Nú á dögum er Gísli þekktastur fyrir opinskáa
dagbók sem hann ritaði í Kaupmannahöfn rúmlega
tvítugur að aldri. Um það leyti reið hrina
þjóðfélagsátaka yfir Evrópu, sem Gísli lifði sig
inn í af heitum tilfinningum, en á sama tíma var
hann í yfirþyrmandi ástarsorg.