Vörumynd

Sjöstafakverið-Kilja

Sjöstafakverið er síðasta smásagnasafn Halldórs
Laxness. Það kom upphaflega út árið 1964 og
geymir sjö eftirminnilegar og margræðar sögur,
leiftrandi af alk...

Sjöstafakverið er síðasta smásagnasafn Halldórs
Laxness. Það kom upphaflega út árið 1964 og
geymir sjö eftirminnilegar og margræðar sögur,
leiftrandi af alkunnum húmor skáldsins.
Smásögurnar hafa fallið nokkuð í skuggann af
skáldsögum Halldórs, en á 7. áratugnum sneri
hann baki við skáldsagnagerð um skeið og fékkst
einkum við leikritun og greinaskrif. Hann samdi
þó fleiri skáldsögur síðar, ásamt
endurminningum, ritgerðum og greinum.
Sjöstafakverið er ein heild, sögurnar samstæðar
og töluvert frábrugðnar þeim sem Halldór
skrifaði á yngri árum; ekki beinlínis raunsæjar
og dálítið á skjön við hversdaglegan veruleika.
Stíll Halldórs er þó ávallt samur við sig,
beittur, kíminn og bragðvís, og í efninu má
greina ýmsa þætti sem eiga sér samsvörun í öðrum
og frægari verkum hans.

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt