Aðferðir til að lifa af

Tilviljun leiðir saman ólíka sögumenn þessarar einstæðu skáldsögu: Borghildi sem nýorðin er ekkja; tölvukarlinn Árna sem þarf að takast á við offitu og hreyfingarleysi; hina ungu Hönnu sem glímir við átröskun, og Aron Snæ ellefu ára son einstæðrar móður ... en eftir því sem sögunni vindur fram fléttast örlög þeirra saman í stigmagnandi frásögn.

„Snerti mig svo djúpt ... Gríðarlega vel skrifuð og persónusköpunin mjög eftirminnileg. ... Uppáhaldsbókin mín eftir hana.“ Kolbrún Bergþórsdóttir, Kiljunni

„Fullt af þungum og stórum hlutum sem Guðrún Eva skrifar um af ótrúlega næmum léttleika.“ Þorgeir Tryggvason, Kiljunni

„Það sker mann hvað [drengurinn] er umkomulaus.“ Egill Helgason, Kiljunni

„Það skrifar enginn eins og Guðrún Eva Mínervudóttir. ... Falleg og áleitin saga um fólk í öllum sínum einfalda og flókna veruleika.“ ⭐️⭐️⭐️⭐️ Brynhildur Björnsdóttir, Fréttablaðinu

„Vellíðan fylgir því að lesa þessa sögu um mýktina í hörðum heimi. Ég mæli með því að hún sé lesin hægt og hverrar setningar á þessum 166 blaðsíðum sé notið til hins ítrasta.“ ⭐️⭐️⭐️⭐️ Ágúst Borgþór Sverrisson, DV

⭐️⭐️⭐️⭐️ Þorgerður Anna Gunnarsdóttir, Morgunblaðinu