Leikskólavettlingar

Ekkert jafnast á við góða lopavettlinga, þeir eru hlýir og hrinda vel frá sér vatni. Sumum finnst þeir ekki nógu mjúkir, en þá er gott að nota plötulopa, hann er mýkri en léttlopinn, og með því að prjóna Anisia mohair með styrkir það vettlingana og mýkir. Vettlingarnir eru prjónaðir með tvöföldu stroffi, annað fer upp á handlegginn en hitt utan um yfirhöfnina, þannig tolla vettlingarnir vel og hvorki sandur né snjór getur smogið inn á milli. Stroffin eru prjónuð úr einföldum plötulopa og Anisia mohair en vettlingurinn sjálfur með tvöföldum lopa og  Anisia mohair, þannig verða vettlingarnir hlýrri. Uppskriftin er í þrem stærðum fyrir 1 - 3 - 5 ára Við eigum alltaf alla liti í plötulopa og um 45 liti í Anisia mohair.