Vörumynd

Biblían − svört hörð spjöld - unnið skinn og þrír lesborðar

Biblían − svört hörð spjöld, unnið skinn og þrír lesborðar.
Lýsing: Nú er Biblían komin út í nýrri þýðingu sem unnið hefur verið að í rúman hálfan annan áratug. Þetta er fyrsta heildarþýðing ...
Biblían − svört hörð spjöld, unnið skinn og þrír lesborðar.
Lýsing: Nú er Biblían komin út í nýrri þýðingu sem unnið hefur verið að í rúman hálfan annan áratug. Þetta er fyrsta heildarþýðing Biblíunnar frá árinu 1912 en sú sjötta frá upphafi. Aftur á móti er þetta ellefta íslenska biblíuútgáfan en sumar útgáfurnar voru prentaðar mörgum sinnum.
Að þessu sinni eru Apókrýfu bækur Gamla testamentisins hafðar með en þær hafa ekki birst í íslenskum biblíuútgáfum síðan árið 1859. Apókrýfu bækurnar urðu flestar til á síðustu tveimur öldunum fyrir Krists burð og eru náskyldari yngri ritum Gamla testamentisins. Þýðing þeirra frá árinu 1994 hefur verið endurskoðuð.
Nýja biblíuþýðingin miðast við breiðan lesendahóp og notkun í helgihaldi kirkju og safnaða. Þýtt er nákvæmlega úr frummálunum, hebresku og grísku, og tillit tekið til stíls frumtexta og íslenskrar biblíumálshefðar. Þetta er Biblía 21. aldarinnar.
Snið Biblíunnar er gyllt og hún er með þremur lesborðum. Í Biblíunni eru átta blaðsíður með litprentuðum kortum, tímatal, orðaskýringar og mikilvægir ritningarstaðir. Í heild er hún 1872 blaðsíður.
Útgefandi: Forlagið/JPV, 2007.
Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt