Baby Njála

Njálu barnapeysan er innblásin af sjalinu Njála. Hugmyndin er að hægt sé að gefa heimfaragjafir í stíl, barna peysu handa barninu og sjal handa mömmunni sem má ekki gleymast. Peysan er prjónuð að neðan og upp. Bolurinn er prjónaður fram og til baka. Ermar eru prjónaðar í hring að handvegi eru lykkjur af ermum og bol sameinaðar á einn prjón og axlastykkið prjónað í hring með laskaúrtökum. Upplýsingar: Garn: Þú getur notað hvaða garn sem er í fingering grófleika. Getur skoðað hér allt garn í fingering grófleika frá Vatnsnes Yarn . Garnmagn í uppskrift: Litur A = 230 (250, 260, 290) m Litur B = 40 (45, 45, 50) m Litur C = 40 (45, 45, 50) m Litur D = 40 (45, 45, 50) m Grófleiki garns:  Fingering grófleiki Prjónfesta: 28 L = 10 cm og 32 umf = 10 cm í sléttuprjóni 24 L = 10 cm og 32 umf = 10 cm í dýfðu lykkjumunstri Prjónar:  4.0 mm hringprjónn, amk 80 cm Önnur áhöld: Java nál, 4 stk prjónamerki, hjálparnælur eða auka band, 5 tölur c.a 12 mm í þvermál. Stærðir: 3-6 (6-9, 9-12, 12-18) mánaða