WEBER FLOOR 4040 COMBI RAPID (15KG) - Hraðharðnandi fín múrblanda / hleðsluspartl

Weber Floor 4040 Combi Rapid er hraðharðnandi fín múrblanda sem má bæði nota sem viðgerðarmúr og sem sementsbundið gólfspartl. Þykkt og þéttleiki múrblöndunar ræðst af magni vatns sem er blandað samanvið. Efnisþörf er ca 16kg á fermeter m.v. 10mm þykkt lag. Þykktarsvið er 1-50mm. Umbúðir eru 5kg og 15kg poki. Vatnsþörf í 5 kg: 1,1-1,2 L. Vatnsþörf í 15 kg poka: 3,3-3,6L. Notkunarsvið Weber 4040 Combi Rapid hleðsluspartl er ætlað til viðgerða, hleðslu og fínspörtlunnar á öllum flötum innandyra. Ekki er þörf á frekari yfirborðsmeðhöndlun svo sem slípun eða fínspörtlun. Fullþornað hentar efnið mjög vel undir öll gólfefni. Hinn stutti þurrktími leyfir yfirmálun eftir nokkra klukkutíma. Undirvinna Undirlagið skal vera hreint og laust við lausan múr, sementslamma, raka, fitu og önnur óhreinindi sem komið geta í veg fyrir góða viðloðun. Styrkur undirlags þarf að vera a.m.k. 0,5 MPa fyrir fínspörtlun og a.m.k. 0,8MPa fyrir þykkari lög. Ef laga þarf lakkað gólf skal slípa yfir með sandpappír og matta yfirborðið. Grunnið síðan með Maxit Floor 4716 í hlutföllunum 1:1, stráið þurru múrefnið í blautan grunninn og kústið saman. Látið þorna og undirlagið er tilbúið til aðgerða. Grunnur Grunnið með Weber Floor 4716 og blandið hann 1 hluta grunn og 3 hlutar vatn. ( sjá tæknilýsingarblað ) Ásetning Berið efnið á flötinn, annaðhvort með múrskeið eða spaða. Fyllið sárið og sléttið ef um viðgerð er að ræða. Við spörtlun hvort sem er á veggjum eða gólfið er efnið borið á og jafnað með spaða. Ef þarf að slípa saman samskeyti eða laga eitthvað má gera það þegar efnið hefur harðnað nægjanlega. Athugið að uppgefinn hörðnunartími er háður því að hiti sé um 20°C, loftraki RF ca 40% og næg loftræsting. Athugið Weber Floor 4040 Combi þornar nægjanlega á ca 2 klst. til að leggja gólfefni á flötinn, svo framarlega að viðkomandi efni þoli 80%RF. Best er að ráðfæra sig við seljendur gólfefnisins um hvernig mæla skuli rakastig í undirlaginu og við hvaða rakamörk skal miða. Þú færð gæða múrvörur í Múrbúðinni