WEBER FLOOR 4610 DUROTOP (25KG)

Weber 4610 er hraðharðnandi flotefni sem er ætlað til flotunar á iðnaðargólfum þar sem kröfur eru gerðar um háan slag-og slitstyrk, og mjög slétt gólf, t.d. þar sem handtjakkar, róbótar og þess háttar starfsemi er. Þykktarsvið 4-15mm. Vatn i 25 poka er 5,0-5,25L. Göngufært eftir 2-4klst. Fullþurt eftir 5-7 daga. Efnisþörf er 1,7kg á fermeter miðað við 1mm þykkt. Notkunarsvið Iðnaðarflot fyrir iðnaðargólf þar sem leitað er eftir hraðri hörðnun og miklum styrk. Kostir Weber 4610 er dælanlegt hraðharðnandi flotefni sem er auðvelt í notkun. Ekki er þörf á frekari yfirborðs-meðhöndlun eftir lögn, svo sem slípun eða fínspörltun. Weber 4610 er vottað af óháðum aðila sem er SP Sveriges Forsknings och Provningsinstitut, P og CE merkt og uppfyllir kröfur HusAMA um flotefni. Þykktarsvið Efnið er venjulega lagt í 4 - 15 mm þykkt. Við meiri þykktir er mælt með að nota ABS 320 sem undirlag. Undirvinna Undirlagið skal vera hreint og laust við lausan múr, sementslamma, raka, fitu og önnur óhreinindi, og þarf að þola togkraft allt að 1,0 MPa. Ef flota á yfir lakkað gólf, skal slípað yfir með sandpappírs-slípivél og lakkið mattað. Grunnið með Weber Floor 4716 1:1, stráið þurru efni í blautan grunninn og kústið saman. Látið þorna og þá er undirlagið tilbúið undir flotun. Grunnur Grunna skal með Weber Floor 4716 og blanda hann 1 hluti grunnur og 3 hlutar vatn. Sjá leiðbeiningar um notkun við mismunandi aðstæður. Blöndun og lögn Vatnsmagn er 20% eða 5 lítrar í 25 kg. poka. Blandið saman með hæggengri borvél þar til viðunandi seigju er náð. Ef dæla á efninu, leitið þá upplýsinga hjá söluaðila. Mælið flotið í efninu (samkv. SS 923519) með hring sem er 35x68mm. Skal þá flotið í efninu vera 180-190mm. Athugið alltaf við flotprufu hvort efnið sé nægjanlega vel hrært. Ásetning Flotinu er dælt með þar til gerðri múr/flotdælu. Efnið er lagt fram og til baka eftir gólfinu í mátulegri þykkt. Æskileg breidd á svæði er 5-8m. Á breiðari svæðum þarf að skilja að með svamplista. Draga þarf tenntan spaða eftir yfirborðinu til að losa um loft og koma í veg fyrir loftbólur. Eiginleikar Þrýstiþol (EN 13813): >35 Mpa Þrýstiþol eftir 28 daga: (EN 13892-2): >40 MPA Beygjutogþol (EN 13813): 10 Mpa Beygjutogþ. (28d). (EN 13892-2): 12MPa Rýrnun eftir 28d. (EN 13454-2): <0,7mm/m