Engin spor

Frumleg og vel smíðuð sakamálasaga sem var tilnefnd til Glerlykilsins, norrænu glæpasagnaverðlaunanna, árið 2001.

Jacob Kieler yngri, sagnfræðingur og bankamaður af virðulegri ætt, finnst látinn í gömlu húsi í Reykjavík árið 1973. Hann hefur verið skotinn í brjóstið. Rannsókn leiðir í ljós að faðir hins látna, Jacob Kieler eldri, járnbrautarverkfræðingur, var skotinn í sömu stofu og með sömu byssu árið 1945 – án þess að tækist að upplýsa morðið. Dagbækur hans koma í leitirnar og þar birtist á síðunum maður sem á sér þá hugsjón heitasta að leggja járnbrautir á Íslandi og virðist tilbúinn að fórna öllu til að svo megi verða …

Aðrar bækur Viktors Arnars eru meðal annars Flateyjargáta, sem hlaut tilnefningu til sömu verðlauna árið 2004, og Afturelding, sem íslensku sjónvarpsþættirnir Mannaveiðar voru byggðir á.

ATH. Tvær gerðir hljóðbóka eru í boði fyrir þessa vöru . Hljóðbókina má kaupa á geisladiski (CD eða Mp3) sem sendist í pósti en einnig sem streymishljóðbók (Streymi) sem er afhent rafrænt og hægt er að hlusta á beint í gegnum app Forlagsins eða vafra . Hér má lesa meira um hljóðbækur í streymi.

Hljóðbókin er um 11 klukkustundir í hlustun. Viðar Eggertsson og Róbert Arnfinnsson leikarar lesa.