Innakstur bannaður

Reglugerð um umferðarmerki: Merki þetta ber að nota þar sem umferð hvers konar ökutækja er bönnuð í báðar akstursáttir. Vinnureglur um notkun: Merki þetta ber að nota þar sem bannsvæði byrjar. Jafnframt er heimilt að setja merkið við upphaf tengivegar eða á leið að viðkomandi vegi og skal þá númer eða auðkenni þess vegar eða vegarkafla, sem lokaður er, gefið upp á undirmerki. Ef vísa þarf á aðrar leiðir eða ef akstursleið endar þar sem bannsvæði byrjar má gera það með viðbótarmerkjum á upplýsingatöflu eða bráðabirgðamerki (H-merki).