Vörumynd

Fjallabók barnanna

Á skemmtilegan hátt eru kynntar gönguleiðir í nágrenni Reykjavíkur sem henta börnum á aldrinum 6-16 ára. Alls er lýst 20 leiðum sem liggja á fjall, eða að minnsta kosti hæð eða hól. Farnar eru óhefðbundnar leiðir upp á Esjuna, farið út á Reykjanes og upp á Hellis- og Mosfellsheiði.

Allar ferðirnar gekk höfundurinn með börnum en í ferðirnar fóru tuttugu og tvö börn, átta fullorðnir og þrír ...

Á skemmtilegan hátt eru kynntar gönguleiðir í nágrenni Reykjavíkur sem henta börnum á aldrinum 6-16 ára. Alls er lýst 20 leiðum sem liggja á fjall, eða að minnsta kosti hæð eða hól. Farnar eru óhefðbundnar leiðir upp á Esjuna, farið út á Reykjanes og upp á Hellis- og Mosfellsheiði.

Allar ferðirnar gekk höfundurinn með börnum en í ferðirnar fóru tuttugu og tvö börn, átta fullorðnir og þrír hundar. Í bókinni eru einnig auðar síður ætlaðar lesendum til að setja inn efni um sínar eigin ferðir á viðkomandi svæði.

Bókin er ætluð börnum og foreldrum eða forráðamönnum þeirra.

Sigrún Huld Þorgrímsdóttir er hjúkrunarfræðingur og fjögurra barna móðir. Gönguferðir um fjöll og firnindi hafa verið áhugamál hennar um áratuga skeið, auk þess sem hún hefur tekið að sér að stýra gönguhópum. Hún hefur því mikla reynslu af að kynna náttúruskoðun og útivist fyrir fólki á ýmsum aldri. Hugmyndin að bókinni kviknaði í samstarfi við Hallgerði Gísladóttur, vinkonu hennar, en Hallgerður lést fyrir aldur fram árið 2007. Bókin er tileinkuð minningu hennar.

Áður hefur Sigrún Huld sent frá sér bókina Þegar amma var ung. Mannlíf og atburðir á Íslandi 1925-1955 sem út kom hjá Sölku haustið 2009.

Upplýsingar eru birtar með fyrirvara um breytingar og villur. Upplýsingar á síðu söluaðila gilda.

Verslanir

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt