Vörumynd

Íslensk hollusta Blóðberg (Arctic Thyme) 20 gr.

Blóðberg (fræðiheiti: Thymus praecox) er lítil sígræn fjölær þófaplanta, af sömu ættkvísl og timian, sem vex í þurru mólendi, holtum og sandi um alla Evrópu. Blóðberg er nýtt sem sígræn þekja í gar...
Blóðberg (fræðiheiti: Thymus praecox) er lítil sígræn fjölær þófaplanta, af sömu ættkvísl og timian, sem vex í þurru mólendi, holtum og sandi um alla Evrópu. Blóðberg er nýtt sem sígræn þekja í garða og í matargerð sem krydd. Á Íslandi er blóðberg (ssp. arcticus) mjög algengt um allt land og finnst bæði á láglendi og í fjöllum allt upp í þúsund metra hæð. Þessi urt hefur ágætan kraft til að styrkja sinar. Hverslags vín, sem á þessari urt hefur staðið nokkra stund og síðan drukkið, læknar sinadrátt, það sama læknar kvef, hreinsar og styrkir höfuð, þynnir blóð, læknar upp þembing þeirra manna, sem etið hafa mikið af hörðum mati. Það vermir kaldan maga og styrkir hann. Dúkur í þessu vín vættur og við lagður höfuð manns, bætir öngvit og svima, höfuðverk og hettusótt. Seyði af þessari urt, sem te drukkið, er gott við hósta, læknar ölsýki þeirra manna, að morgni drukkið, sem ofdrukkið höfðu vín að kvöldi. Sé þessari urt stráð á gólf, eða reykt með henni í húsum, ellegar hún seydd í vatni og sama vatni dreift um húsið, flýja þaðan flær. Blóðberg kannast flestir Íslendingar við enda vex jurtin um land allt á melum og í mólendum og hlíðum. Blóðberg hefur verið notað í áraraðir sem lækningajurt enda er hún talin vera gífurlega mögnuð jurt í grasalækningum og er talin hafa gífurlega hreinsandi áhrif á líkamann. Blóðbergið er mest notað gegn flensu og kvefi, sérstaklega lungnakvefi og öðrum lungnasjúkdómum þar sem þarf að losa um slím. Blóðberg er einnig talið einstaklega gott við flestum meltingarvandamálum s.s maga- og garnabólgu. Blóðberg linar krampa í meltingarfærum og er þá oft notað með öðrum jurtum. Þá er blóðbergste talið gott við timburmönnum. Bakstrar með jurtinni þykja góðir við bólgum í liðum og vöðvum. Blóðberg er einnig vinsæl kryddjurt og er þá yfirleitt þekkt undir nafninu Timian. Blóðberg er hægt að tína um allt land, allt sumarið þegar jurtin er í blóma, einungis eru blómin notuð en ekki ræturnar. Ef gera á te úr jurtinni þá eru hlutföllin 1:10, 40-60 ml þrisvar á dag eða 1 tsk í 1 bolla af vatni, drukkið þrisvar á dag. Sniðugt er að tína jurtina um sumarið til þess að eiga yfir veturinn.

Verslanir

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt