Vörumynd

Margföldunartaflan, segulspjald

Segultafla með margföldunartöflu frá 1 - 10.
Spilið hentar fyrir 2-4 í einu,
Ef það eru 2 að spila, geta hvor um sig verið með 8 spilakarla.
...
Segultafla með margföldunartöflu frá 1 - 10.
Spilið hentar fyrir 2-4 í einu,
Ef það eru 2 að spila, geta hvor um sig verið með 8 spilakarla.
fyrir 8 ára+

Trékassi með 2 segulplötum, spilaborð og plata með margföldunartöflunni (tölustafaplata)
Plöturner eru 40x40cm
100 x litaðar tréplötur með tölustöfum (10 plötur í hverjum lit)
32 x spilakarlar (8 í hverjum lit)
1 x tengingur með 12 hliðum
10 x margföldunarmerki
10 x deilingarmerki
leiðbeiningar

Byrjað er á því að setja kringlóttu plöturnar á tölustafaplötuna í réttri röð og á réttan lit (sama lit og plöturnar eru)
Margföldunarmerkin fara vinstra megin og deilingamerkin fara hægra megin.

Nemendurnir velja sér í hvaða lit þeir vilja hafa spilakarlana sína.

Margföldun:
Nemendurnir ákveða hvaða margföldunartöflu þeir ætla að æfa.

Þeir ákveða t.d að gera 6x töfluna.  Þá er platan með tölustafnum 6 með margföldunarmerkinu tekin og sett á miðjuna (svarta punktinn) á spilaborðinu.
Allir tölustafirnir í 6x röðinni eru teknir upp og þeim raðað í innri hringinn, af handahófi, á spilaborðinu.

Nemandi kastar teningnum, margfaldar töluna sem kemur upp á teningnum við 6 (töluna sem er í miðjunni á spilaborðinu).
Því næst setur hann einn af sínum spilakörlum á útkomuna á tölustafaplötunni. Platan með tölunni er tekin upp og sett í ytri hringinn á spilaborðinu.
Meðspilararnir þurfa að fylgjast með að útkoman sé rétt.
Svo gerir næsti nemandi og koll af kolli.

Ef spilakarl er fyrir á plötunni þegar nemandi fær sömu útkomu, þá er hann tekinn í burtu.
Smám saman fyllist borðið.

Ef teningurinn sýnir 0, þá setur nemandinn spilakarl á tölu að eigin vali, en þarf að sitja hjá í næstu umferð.
Spilinu lýkur, þegar allar tölurnar í 6x töflunni eru uppteknar.
Sigurvegarinn er sá sem hefur flesta spilakarla á borðinu.

Deiling:
Nemendurnir ákveða hvaða tölu þeir ætla að deila með.
Þeir ákveða t.d að deila með 8.  Þá er platan með tölustafnum 8 með deillingamerkinu tekin og sett á miðjuna (svarta punktinn) á spilaborðinu.

Allir tölustafirnir í röðinni sem 8 stendur við eru teknir upp og þeim raðað á hvolf í innri hringinn, af handahófi, á spilaborðinu.
Einn nemandi snýr einni plötu við og deilir 8 í töluna sem er á plötunni sem var snúið við.
Því næst setur hann einn af sínum spilakörlum á útkomuna á tölustafaplötunni.
Plötunum er ruglað aftur á spilaborðinu og næsti nemandi snýr við plötu af handahófi og þannig heldur spilið áfram.

Ef spilakarl er fyrir á plötunni þegar nemandi fær sömu útkomu, þá er hann tekinn í burtu.
Smám saman fyllist borðið.
Spilinu lýkur þegar búið er að setja spilakarla á allar tölur í röðinni sem var tekin upp.
Sigurvegarinn er sá sem hefur flesta spilakarla á borðinu.



Verslanir

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt