Vörumynd

Brotin egg

Jim Powell

Sérstaklega skemmtileg skáldsaga um sannfærðan vinstrimann (en alls ekki kommúnista!) og dimmustu daga 20. aldarinnar.

Byltingarsinninn Felix Zhukovski býr í Frakklandi og hefur helgað líf sitt kommúnismanum og ritun ferðahandbóka um Austantjaldslöndin. Áratugum saman hafa sáralitlar breytingar orðið á lífi hans. En þá hrynur múrinn og af stað fer atburðarás sem á eftir að kollvarpa lífi han…

Sérstaklega skemmtileg skáldsaga um sannfærðan vinstrimann (en alls ekki kommúnista!) og dimmustu daga 20. aldarinnar.

Byltingarsinninn Felix Zhukovski býr í Frakklandi og hefur helgað líf sitt kommúnismanum og ritun ferðahandbóka um Austantjaldslöndin. Áratugum saman hafa sáralitlar breytingar orðið á lífi hans. En þá hrynur múrinn og af stað fer atburðarás sem á eftir að kollvarpa lífi hans.
Hann hefur leit að bróður sínum og móður sem hann hefur ekki séð síðan í Póllandi fyrir stríð. Og fyrr en varir verður hann að endurmeta sögu sjálfs sín – og 20. aldarinnar.
Hjartnæm saga um leit manns að sjálfum sér, fjölskyldu, ást og sannleika.

„Fersk, hrífandi og óvenjuleg. Ógleymanleg.“
– Publishers Weekly

‎“Niðurstaða: Áhrifarík saga um ógnartíma, full af mannlegri hlýju og léttleika.“
Fréttablaðið, 7. maí 2011

„Powell segir söguna án þess að detta í pytt öfganna eða detta í þá gryfju að hæðast að heimssýn Zhukovskis. Lesandinn fylgist með því hvernig augu söguhetjunnar opnast og hún sér það sem í raun alltaf blasti við en hún vildi ekki sjá, finnur sársauka hennar við að komast að því hvernig hin hjartfólgna hugmyndafræði lék hennar nánustu.“ MBL, 15. maí 2011

Íslensk þýðing: Arnar Matthíasson og Guðrún Vilmundardóttir

Verslaðu hér

  • Bjartur og Veröld
    Bjartur og Veröld ehf - bókaforlag 414 1450 Vesturvör 30b, 200 Kópavogi

Upplýsingar eru birtar með fyrirvara um breytingar og villur. Upplýsingar á síðu söluaðila gilda.

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt