Haustaugu

Haustaugu er ellefta ljóðabók Hannesar Péturssonar, en tólf ár eru liðin frá því hann gaf síðast út bók með frumsömdum ljóðum. Hér yrkir maður sem er síungur í ljóðmáli sínu og viðhorfi. Hann hvarflar nú haustaugum yfir umhverfi sitt og tíma, vekur okkur til vitundar um aðkallandi mál og minnist genginna vina á ljúfsáran hátt.

Hannes Pétursson hefur verið eitt ástsælasta skáld þjóðarinnar allt frá því að hans fyrsta ljóðabók kom út árið 1955. Hann hefur sameinað hefð og nútíma í ljóðlist sinni, en jafnframt verið skáld dirfsku og nýjunga. Ljóð Hannesar eiga sér gjarnan rætur í íslenskri náttúru og sögu en þar er samhliða glímt við tilvist okkar hér og nú.