Vörumynd

Nintendo Entertainment System

Retró Líf

Nintendo Entertainment System kom fyrst á markað í Bandaríkjunum árið 1985 (Evrópu 1986) og var byggð á þegar vinsælu Famicom tölvunni sem kom út í Japan árið 1983. NES tölvan er af þriðju kynslóð leikjatölva og keppti þar við fjórar leikjatölvur frá SEGA ásamt Atari 7800 vélina. NES tölvan bar heldur betur sigur úr býtum og seldist ásamt systurtölvu sinni, hinni japönsku Famicom, í yfir 60 m...

Nintendo Entertainment System kom fyrst á markað í Bandaríkjunum árið 1985 (Evrópu 1986) og var byggð á þegar vinsælu Famicom tölvunni sem kom út í Japan árið 1983. NES tölvan er af þriðju kynslóð leikjatölva og keppti þar við fjórar leikjatölvur frá SEGA ásamt Atari 7800 vélina. NES tölvan bar heldur betur sigur úr býtum og seldist ásamt systurtölvu sinni, hinni japönsku Famicom, í yfir 60 milljón eintökum um víða veröld, og eru þá ekki hinir ótöldu klónar sem komu út af vélunum meðtaldir.

Þetta tiltekna eintak er NES-PAL-001 sem er evrópska týpa NES tölvunnar sem var m.a. seld í Skandinavíu og á Íslandi. Þessi týpa hefur það fram yfir aðrar evrópskar NES tölvur að taka við hvaða NES fjarstýringum sem er óháð kerfi.

NES Lock-Out flaga tölvunnar hefur verið aftengd sem gerir það að verkum að hún getur spilað leiki úr PAL-B, PAL-A og NTSC kerfunum. Einnig er tölvan síðri til að bila þegar fram líða stundir eftir að flagan hefur verið aftengd, þar sem hún á það til að gefa sig án fyrirvara og úrskurða alla leiki utan kerfis.

72-Pinna tengli tölvunnar hefur verið skipt út fyrir nýjan. Tengillinn mun fyrst um sinn grípa frekar fast um leikina en mun liðkast með tíð og tíma.

Tölvan hefur verið yfirfarin af Retró Líf og tengdist öllum leikjum úr öllum kerfum án vandræða. Tölvan er í ágætu útlitslegu ásigkomulagi en ber með sér að hún er orðin rúmlega 30 ára gömul. Tölvan er mikið upplituð en auðvelt er að fegra hana með Retro Brighting aðferðum sem eru auðfundnar á YouTube.

Pakkinn inniheldur:
Nintendo Entertainment System leikjatölvu (NES-PAL-001).
NES fjarstýringu (NES-004).
NES Orginal straumbreyti.
AV Snúru.
Leikinn Super Mario Bros. / Duck Hunt. (Límmiði sjúskaður)

Retró Líf ábyrgist leikjatölvur í 30 daga frá sölu, en vísar að öðru leyti í hefðbundna skilmála Retró Líf.

Verslaðu hér

Upplýsingar eru birtar með fyrirvara um breytingar og villur. Upplýsingar á síðu söluaðila gilda.

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt