Vörumynd

Stoðkerfisskólinn

Stoðkerfisskólinn er ætlaður þeim sem eiga í erfiðleikum með ýmis störf og líkamsþjálfun vegna stoðkerfisvandamála. Markmið skólans er að efla hreyfigetu og auka sjálfstæði í þjálfun. Í Stoðkerfiss...
Stoðkerfisskólinn er ætlaður þeim sem eiga í erfiðleikum með ýmis störf og líkamsþjálfun vegna stoðkerfisvandamála. Markmið skólans er að efla hreyfigetu og auka sjálfstæði í þjálfun. Í Stoðkerfisskólanum er lögð áhersla á fræðslu um stoðkerfið og nemendum kenndar leiðir til uppbyggingar. Námið í Stoðkerfisskólanum miðar að því að bæta líkamsvitund, líkamsbeitingu og hreyfifærni. Nemendum er kennt að létta á einkennunum, þekkja eigin þolmörk og auka álagsþol sem stuðlar að auknu þreki, bæði í leik og starfi. Eftir Stoðkerfisskólann eiga nemendur hans að þekkja grunnatriði í líffæra- og lífeðlisfræði sem hjálpar þeim að skilja hvernig líkaminn virkar og hvers hann þarfnast til að ná bata. Ef óskað er eftir einstaklingsviðtali eða skoðun hjá sjúkraþjálfurum Stoðkerfisskólans samhliða námi í Stoðkerfisskólanum, er greitt fyrir það skv. taxta Sjúkratrygginga Íslands fyrir tíma í sjúkraþjálfun. Mælt er með að bæta því við ef um flókin vandamál er að ræða, sérstaklega ef viðkomandi er ekki í einstaklings sjúkraþjálfun með Stoðkerfisskólanum. Stoðkerfisskólinn er samtals 24 tímar og stendur yfir í 8 vikur.
Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt