Vörumynd

Q4U-Qþrjú Norður & Niður

Qþrjú, þriðja plata hljómsveitarinnar Q4U og á
henni eru 10 lög unnin í stúdíói og 4 önnur lög,
þar af þrjú frá tónleikum til stuðnings Ingólfi
Júlíussyni g...

Qþrjú, þriðja plata hljómsveitarinnar Q4U og á
henni eru 10 lög unnin í stúdíói og 4 önnur lög,
þar af þrjú frá tónleikum til stuðnings Ingólfi
Júlíussyni gítarleikara hljómsveitarinnar
1996-2013 og fjölskyldu hans. Tónleikarnir voru
haldnir þann 28. febrúar 2013 í Hörpu, en
Ingólfur lést í lok apríl sama ár. Platan er
helguð minningu hans. Ingólfur átti með
gítarútsetningum sínum og lagasmíðum stóran þátt
í mótun þeirrar tónlistar sem er á plötunni.

Efni plötunnar var að mestu tilbúið þegar
Ingólfur féll frá, en vinnsla hennar tók langan
tíma af ýmsum ástæðum. Við gítarleiknum af
Ingólfi tók Egill Viðarsson, systursonur hans,
en Ríkharður Friðriksson lagði einnig til
gítarleik á plötunni. Þeir Ríkharður og Egill
stýrðu upptökum, en Ríkharður blandaði hljóð
plötunnar í hljóðveri Tónlistarskólans í
Kópavogi. Guðjón Guðjónsson trommuleikari gekk
til liðs við hljómsveitina árið 2011, Árni
Daníel Júlíusson synthesizerleikari hefur verið
með frá 1982.

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt