Prestige Denni hnakkur

Denni Prestige er byggður á virki sem heitir X-Contact. Virkið er extra breitt sem tryggir meiri þyngdardreifingu og hámarks hreyfigetu hestsins. Göt eru í virkinu fyrir setbein knapans svo að sætið er einkar mjúkt. Einnig gera götin virkið enn sveigjanlegra. Hnakkurinn er svokallaður "monoflap", lafið er einfalt, sem gefur enn meiri tengingu knapa við hestinn.

Allt efni í hnakknum er af bestu gæðum. Ítalskt kálfsskinn, sútað og unnið á Ítalíu, af dýrum sem alast upp utandyra við bestu aðstæður. Í undirdýnunum er þyngdardreifandi efni og gerviull.

Hnakkurinn fæst í 17" og 18" lengd en aðrar lengdir eru sérpöntun. 6 kg.