Vörumynd

Það sem að baki býr

Höfundur: Merete Pryds Helle

Stúlkan Marie elst upp á dönsku eynni Langeland á fjórða og fimmta áratugnum í barnmargri, fátækri fjölskyldu þar sem matur og hjartahlýja eru af...

Höfundur: Merete Pryds Helle

Stúlkan Marie elst upp á dönsku eynni Langeland á fjórða og fimmta áratugnum í barnmargri, fátækri fjölskyldu þar sem matur og hjartahlýja eru af skornum skammti. Og svo kemur stríðið og gerir illt enn verra.

Ljósið í myrkrinu er málverkið á veggnum í hreysi fjölskyldunnar, sem alltaf þarf þó að færa út í fjós þegar amma kemur í heimsókn – og bláeygði rafvirkjaneminn Otto, sem heillast af Marie.

Saman sleppa þau úr klóm örbirgðarinnar og ofbeldisins og flytja til Kaupmannahafnar til að öðlast nýja og bjartari framtíð – en Langeland fylgir þeim alla leið.

Merete Pryds Helle byggir þessa grípandi og dramatísku ættarsögu á sinni eigin fjölskyldu, einkum þó móður sinni. Það sem að baki býr hefur hlotið afar góðar viðtökur og fékk bæði Gylltu lárviðarlaufin og Bókmenntaverðlaun Politiken árið 2016, auk annarra viðurkenninga.

Magnea J. Matthíasdóttir þýddi.

Já notar vefkökur til að bæta notendaupplifun á vefsíðunni og greina umferð um hana. Einnig hefur Já uppfært persónuverndarstefnu sína. Nánar um stefnuna og vefkökur hér.
Samþykkt